PANOGOH HOLATI O‘RGANILDI

Asosiy > Yangiliklar > PANOGOH HOLATI O‘RGANILDI

PANOGOH HOLATI O‘RGANILDI

Korxona boshqaruvi raisi Farrux Samadov jamiyat hududida joylashgan 1-panogoh holatini o‘rgandi.

Ushbu radiatsiyaga qarshi boshpanada bir vaqtning o‘zida 900 nafar xodim xavfsizligini ta’minlash imkoni mavjud.

O‘rganishlar chog‘ida isitish tizimi, elektr energiyasi ta’minoti, ichimlik suvi masalasi, kirish-chiqish yo‘laklari, zarur inventar va jihozlarning mavjudligi, favqulodda holat kuzatilganda birinchi tibbiy yordamni ko‘rsatish imkoniyatlariga e’tibor qaratildi.

Shuningdek, kislorod xonasi, ventilyatsiya, aloqa tizimlari, mavjud sharoitlar o‘rganilib, mutasaddilarga tavsiya va topshiriqlar berildi.

Jarayonda harbiylashtirilgan gazdan qutqaruv otryadi uchun ajratilgan maxsus trasnport vositalari holati ham ko‘zdan kechirildi. Xodimlarning shaxsiy himoya vositalari va zarur jihozlar bilan ta’minlangani o‘rganildi.

Moddiy-texnik bazani yanada mustahkamlash bo‘yicha galdagi vazifalar belgilab olindi.