QO‘RG‘ONTEPALIKLAR MUAMMOSI E’TIBOR MARKAZIDA

Asosiy > Yangiliklar > QO‘RG‘ONTEPALIKLAR MUAMMOSI E’TIBOR MARKAZIDA

QO‘RG‘ONTEPALIKLAR MUAMMOSI E’TIBOR MARKAZIDA

Bugungi kunda mamlakatimizda iqtisodiy rivojlanish bilan bir qatorda ijtimoiy mas’uliyat ham korxonalar faoliyatining muhim yo‘nalishlaridan biriga aylanmoqda. Olis hududlar aholisiga yordam ko‘rsatish jamiyat oldidagi burchni anglash va uni amaliy harakatlar orqali namoyon etish demakdir. Bu jarayonda “Navoiyazot” AJning ham faolligi tuman markazidan olisda joylashgan mahallalar fuqarolarini har tomonama qo‘llab-quvvatlashda muhim o‘ringa ega.

Korxona mutasaddilarining Xatirchi tumani “Qo‘rg‘ontepa” MFYdagi o‘rganishlari davom etmoqda. Jarayonda aholining turmush tarzi, bandligi, fuqarolarning moddiy manfaatdorligini oshirish uchun mavjud imkoniyatlarga e’tibor qaratildi. Qo‘rg‘ontepaliklarni qiynayotgan yechimtalab masalalar yuzasidan chora-tadbirlarni amalga oshirish belgilanib, ularni qiziqtirgan savollar bo‘yicha tushuntirish ishlari olib borildi.