Previous Next

“Butunjahon mehnatni muhofaza qilish kuni” munosabati bilan “Keling, sog‘lom psixologik-ijtimoiy ish muhitini ta’minlaylik!” mavzusidagi tadbir doirasida seminar oʻtkazilmoqda. Unda Oʻzbekiston kimyo va farmatsevtika sanoati xodimlari kasaba uyushmasi respublika Kengashi mutasaddilari, “Oʻzkimyosanoat” AJ tizimidagi tarmoq korxonalarining mehnat muhofazasi boʻyicha mas’ul xodimlari, kasaba uyushma qoʻmitalari vakillari ishtirok etishdi.

Sanoat korxonalarida mehnatni muhofaza qilishga qaratilgan e’tibor, baxtsiz hodisalarning oldini olish samaradorligi, xodimlar salomatligini asrash borasida amalga oshirilayotgan tizimli ishlar muhokama qilindi. Seminar davomida mutaxassislar tomonidan ishlab chiqarish jarayonlarida xavfsizlik qoidalariga rioya etish, zamonaviy himoya vositalaridan foydalanish hamda psixologik-ijtimoiy muhitni yaxshilashga qaratilgan tavsiyalar berildi.

Shuningdek, ish joylarida stressni kamaytirish, xodimlar o‘rtasida o‘zaro hurmat va hamjihatlikni mustahkamlash, rahbar va xodimlar orasida samarali muloqotni yo‘lga qo‘yish masalalariga alohida e’tibor qaratildi. Tadbir ishtirokchilari tomonidan ilg‘or tajribalar almashilib, mehnat muhofazasi sohasida mavjud muammolar va ularning yechimlari yuzasidan fikr-mulohazalar bildirildi.