SAYYOR QABUL—E’TIBOR IFODASI

Asosiy > Yangiliklar > SAYYOR QABUL—E’TIBOR IFODASI

SAYYOR QABUL—E’TIBOR IFODASI

Korxona boshqaruvi raisi Farrux Samadov tomonidan jamiyatning 30, 33, 52, 81, 68-sexlari xodimlari ishtirokida sayyor qabul o‘tkazildi. Unda laboratoriyalarning moddiy-texnik bazasini mustahkamlash, yangi, zamonaviy jihozlar ta’minoti, axborot kommunikatsiya texnologiyalarining ahamiyati xususida so‘z yuritildi.

Muloqot davomida ishtirokchilarning savollariga javob berildi, murojaat, taklif, fikr-mulohazalari tinglandi. Jumladan, ta’mirlash ishlarini bajarish, tahlil, sinov jarayoni sifati hamda natijadorligini oshirish bo‘yicha qo‘shimcha qulayliklar yaratishga qaratilgan tashabbuslar ilgari surildi.

Laboratoriya xodimlarining malakasini oshirish, mehnatga layoqatsizlik varaqalarini olish tartibiga oid mavzulardagi muhim masalalar muhokama etildi. Ishlab chiqarish samaradorligiga qaratilgan galdagi vazifalar e’tibor markazida bo‘ldi.

“Navoiyazot” AJ boshqaruvi raisi va mutasaddilarning ishlab chiqarish majmualari va sexlardagi sayyor qabullari davom etadi.