SPORTGA E’TIBOR YОSH AVLOD KELAJAGI HAQIDA G‘AMXO‘RLIK IFODASI

Asosiy > Yangiliklar > SPORTGA E’TIBOR YОSH AVLOD KELAJAGI HAQIDA G‘AMXO‘RLIK IFODASI

SPORTGA E’TIBOR YОSH AVLOD KELAJAGI HAQIDA G‘AMXO‘RLIK IFODASI

Navoiy shahrida “Yangi O‘zbekiston olimpiya cho‘qqilari” hamda “Prezident olimpiadasi” sport musobaqalarining dzyudo sport turi bo‘yicha 2-bosqich — “Hokim olimpiadasi” musobaqasi bo'lib o'tdi.

Mazkur nufuzli tadbirda viloyat hokimligi, “Navoiyazot” AJ mutasaddilari, sport sohasi vakillari, tajribali murabbiylar ishtirok etdi. Bellashuv davomida ishtirokchilar o‘rtasida qizg‘in va murosasiz bahslar kechdi. Har bir vazn toifasida g‘olib va sovrindorlar aniqlanib, ular diplom, medal hamda esdalik sovg‘alari bilan taqdirlandi. Shuningdek, yuqori natija qayd etgan sportchilar musobaqaning keyingi respublika bosqichiga yo‘llanmani qo‘lga kiritdi.

Bunday musobaqalar yosh iste’dodlarni kashf etish, ularni professional sportga keng jalb etish hamda kelajakda xalqaro maydonlarda yurt sharafini munosib himoya qiladigan sportchilarni tayyorlashda muhim ahamiyat kasb etmoqda.