XALQARO KO‘RGAZMA HAMKORLIK UCHUN YANGI IMKON

Asosiy > Yangiliklar > XALQARO KO‘RGAZMA HAMKORLIK UCHUN YANGI IMKON

XALQARO KO‘RGAZMA HAMKORLIK UCHUN YANGI IMKON

Toshkent shahri 21-23-may kunlari “Mould Central Asia”, “Plast International Central Asia”, “Commodity Fair Tashkent” xalqaro ko‘rgazmalariga mezbonlik qilmoqda.

Bugun O‘zekspomarkazda ushbu ko‘rgazmalarning tantanali ochilish marosimi bo‘lib o‘tdi. Qolip, uskuna va ishlab chiqarish texnologiyalari, plastmassa mahsulotlari tayyorlash, savdo biznesini rivjlantirishga qaratilgan nufuzli tadbirda “Navoiyazot”AJ mas’ullari ham korxonada ishlab chiqarilayotgan mahsulotlar bilan ishtirok etishmoqda.

Ushbu ko‘rgazmalar milliy va xalqaro tovar ishlab chiqarishning o‘zaro uyg‘unlashuvini ta’minlash, B2B uchrashuvlar, yangi mahsulot taqdimotlari, marketpleyslar va savdo tarmoqlariga chiqish imkoni, biznesni kengaytirish va yangi mijozlarni jalb qilish, shuningdek, katta xaridorlar va chakana savdo platformalari bilan to‘g‘ridan-to‘g‘ri ishlashga xizmat qilishi bilan ahamiyatli.