XALQARO SANOAT KO‘RGAZMASI DAVOM ETMOQDA

Asosiy > Yangiliklar > XALQARO SANOAT KO‘RGAZMASI DAVOM ETMOQDA

XALQARO SANOAT KO‘RGAZMASI DAVOM ETMOQDA

Toshkent shahrida “INNOPROM. Markaziy Osiyo” xalqaro sanoat ko‘rgazmasi o‘z ishini davom ettirmoqda. Ushbu nufuzli tadbirda dunyoning turli mamlakatlaridan kelgan yirik sanoat kompaniyalari, innovatsion texnologiyalar ishlab chiquvchilari va investorlar ishtirok etishyapti.

Ko‘rgazma doirasida mashinasozlik, energetika, metallurgiya, kimyo sanoati hamda raqamli texnologiyalar sohalaridagi eng so‘nggi yutuqlar namoyish qilinmoqda. Shuningdek, biznes forumlar, B2B uchrashuvlar va panel muhokamalar tashkil etilib, unda sanoatni rivojlantirish, yangi hamkorlik aloqalarini yo‘lga qo‘yish masalalari muhokama qilinmoqda.

Tadbir mamlakatimiz sanoat salohiyatini namoyish etish, xorijiy investitsiyalarni jalb qilish hamda zamonaviy texnologiyalarni joriy etishda muhim platforma bo‘lib xizmat qiladi. “Navoiyazot” AJ faoliyatiga oid taqdimot, uchrashuvlar ko‘rgazma ishtirokchilarida katta qiziqish uyg‘otdi. Sanoat ko‘rgazmasi qator istiqbolli loyihalar va investitsiya bitimlarining imzolanishiga xizmat qiladi.