XALQARO TAJRIBA YANGI MAHSULOT ISHLAB CHIQARISH ASOSI

Asosiy > Yangiliklar > XALQARO TAJRIBA YANGI MAHSULOT ISHLAB CHIQARISH ASOSI

XALQARO TAJRIBA YANGI MAHSULOT ISHLAB CHIQARISH ASOSI

Korxona mutasaddilari Xitoydagi xizmat safari davomida Zhengzhou shahrida joylashgan Tianci Heavy Industry Machinery Co., Ltd. kompaniyasida bo‘lishdi. Ushbu yirik quvvatda NPK (kompleks) mineral o‘g‘itlar ishlab chiqarilib, eksport qilinadi. “Navoiyazot” AJda yiliga 20000 tonna ana shunday o‘g‘itlarni tayyorlaydigan zamonaviy uskunalarni o‘rnatish ko‘zda tutilgan.

Jamiyat vakillari kompaniya faoliyati bilan yaqindan tanishib, ular tajribasini korxonaga tadbiq etish borasida o‘zaro fikr almashishdi.

Bunday hamkorlik korxonada mavjud xomashyodan yanada samarali foydalanish, kam energiya sarflaydigan avtomatlashtirilgan granulyatsiya texnologiyalarini joriy etish, ishlab chiqarish harajatlarini kamaytirish, eksport geografiyasni kengaytirish uchun yangi imkoniyat eshiklarini ochadi.