XAVFLARNI BOSHQARISH VA ICHKI NAZORAT TIZIMLARI BOʻYICHA TRENINGLAR TASHKIL ETILDI

Asosiy > Yangiliklar > XAVFLARNI BOSHQARISH VA ICHKI NAZORAT TIZIMLARI BOʻYICHA TRENINGLAR TASHKIL ETILDI

XAVFLARNI BOSHQARISH VA ICHKI NAZORAT TIZIMLARI BOʻYICHA TRENINGLAR TASHKIL ETILDI

“Navoiyazot” AJda COSO ERM hamda COSO Internal Control Framework xalqaro konsepsiyalariga muvofiq ishlab chiqilgan Xavflarni boshqarish tizimi va ichki nazorat tizimini joriy etishning uchinchi bosqichi amalga oshirildi.

Tinglovchilar mavzuga oid metodologiyalar, me’yoriy hujjatlar hamda tizimning asosiy talablari bo‘yicha amaliy o‘quv mashg‘ulotlarida ishtirok etishdi.

Treninglar KPMG konsalting kompaniyasining tajribali ekspertlari tomonidan olib borildi. Ikki kun davomida ular korxonadagi 40 nafarga yaqin rahbar va xodimlar uchun mashgʻulotlarni olib bordilar.

O‘quv yakunida ishtirokchilarga xavflarni boshqarish va ichki nazorat tizimi bo‘yicha olgan bilimlarini tasdiqlovchi sertifikatlar topshiriladi. Ushbu bosqich “Navoiyazot” AJda korporativ boshqaruv tizimini xalqaro talablar darajasida joriy etish yo‘lidagi muhim qadam bo‘lib xizmat qiladi.