XODIMLAR MUROJAATI O‘RGANILDI

Asosiy > Yangiliklar > XODIMLAR MUROJAATI O‘RGANILDI

XODIMLAR MUROJAATI O‘RGANILDI

🔵Korxonaning 910-sexida faoliyat yuritayotgan xotin-qizlar bilan muloqot tashkil etildi. Uchrashuv davomida jamiyatda ayollarning samarali faoliyat yuritishi, o‘z kasbiy mahorati va tajribasini namoyon etishi uchun zarur sharoitlarni yaratish, mehnat jarayonida ularning manfaatlarini ta’minlash hamda ish joylarida qulay, xavfsiz muhitni shakllantirish masalalariga alohida e’tibor qaratildi. Shuningdek, mutaxassislarning duch kelayotgan masalalari, ularni qiziqtirgan savollar va taklif-mulohazalari tinglandi.

🔵Ta’kidlash joizki, mehnat jamoasida sog‘lom muhitni qaror toptirish, xodimlar uchun munosib mehnat sharoitlarini ta’minlash, mehnatga munosib rag‘bat korxona faoliyatida muhim o‘rin tutadi. Bu borada xotin-qizlar bilan muntazam muloqotlar o‘tkazish, ularning takliflarini o‘rganish va tashabbusini qo‘llab-quvvatlash dolzarb ahamiyatga ega.

🔵Mas’ullar ishtirokida tashkil etilgan bunday tadbirlar sohaga taalluqli tashabbus, fikr va mulohazalarni bevosita o‘rganish, o‘zaro ishonch va hamjihatlikni mustahkamlashga xizmat qiladi.