YANGI LOYIHA MUHOKAMA ETILDI

Asosiy > Yangiliklar > YANGI LOYIHA MUHOKAMA ETILDI

YANGI LOYIHA MUHOKAMA ETILDI

Kimyoviy mahsulotlarni ishlab chiqarish jarayonida zararli gazlarni samarali ajratish va filtrlashda havoni taqsimlash uskunasining ahamiyati katta. Bunday loyiha energiya sarfi, harajatlarni minimallashtirish, sifat nazorati, xavfsizlikni ta’minlash, atrof-muhitga salbiy ta’sirni kamaytirish, texnologik jarayonlarni avtomatlashtirish orqali yuqori samaradorlikka erishish imkonni beradi.

Germaniyaning “Linde” kompaniyasi vakillari “O‘zkimyosanoat”AJ va “Navoiyazot”AJ mutasaddilari bilan uchrashdilar. Muloqotda korxona negizida barpo etiladigan havoni taqsimlash uskunasini qurish va ishga tushirish borasida o‘zaro fikr almashildi. Mehmonlar loyihaning ahamiyati, uning dolzarbligi, hamkorlik istiqbollari xususida ma’lumot berdilar.

Quvvatning ishga tushishi bilan yiliga 200 million metr kub kislorod, 224 million metr kub azot yetkazib beriladi hamda qo‘shimcha ish o‘rinlari yaratiladi. Muzokaralar davomida bunyodkorlik ishlaridan tortib, loyihaning ishga tushishigacha bo‘lgan barcha jarayonlar bo‘yicha o‘zaro fikr almashildi, muhim vazifalar belgilab olindi.