“YАSHIL MAKON”: OBODLIK VA EKOLOGIK MUHOFAZA UCHUN

Asosiy > Yangiliklar > “YАSHIL MAKON”: OBODLIK VA EKOLOGIK MUHOFAZA UCHUN

“YАSHIL MAKON”: OBODLIK VA EKOLOGIK MUHOFAZA UCHUN

“Yashil makon” umummilliy loyihasi doirasida “Navoiyazot” AJ tomonidan Karmana tumanidagi “Uzumzor” MFY hududida ekilgan ko‘chatlarni parvarishlash bo‘yicha tizimli ishlar yo‘lga qo‘yilgan.

55 gektar yer maydoniga 25 ming donadan ortiq qayrag‘och ko‘chatlari ekilib, malakali xodimlar, maxsus texnika vositalari jalb etildi. Ko‘chatlarni muntazam sug‘orish, mineral o‘g‘itlar bilan ta’minlash, hasharot va kasalliklarga qarshi kurashish ishlari belgilangan reja asosida olib borilmoqda.

Shuningdek, har bir hududga mas’ullar biriktirilib, jarayon doimiy nazoratga olingan. Mutaxassislar tomonidan zarur agrotexnik tadbirlar o‘z vaqtida amalga oshirilib, kelgusida hududning ekologik holatini yaxshilash, yashil maydonlarni kengaytirish va aholi uchun qulay ekologik muhit yaratishga qaratilgan ishlar atrof-muhit muhofazasiga xizmat qiladi.