YOSHLAR — E’TIBOR MARKAZIDA

Asosiy > Yangiliklar > YOSHLAR — E’TIBOR MARKAZIDA

YOSHLAR — E’TIBOR MARKAZIDA

Korxona boshqaruvi raisining moliya, transformatsiya va xususiylashtirish bo‘yicha o‘rinbosari Dilshodjon Jalilov “Yoshlar kuni” doirasida jamiyatda faoliyat yuritayotgan yosh mutaxassislar bilan uchrashdi. Samimiy ruhda o‘tgan muloqotda xodimlarning ish unumdorligini oshirishga qaratilgan takliflari tinglandi, mulohazalariga e’tibor qaratildi.

Muloqotda iqtisodiy samarador, tejamkor texnologiyalarga asoslangan, zamon talabiga mos innovatsion loyiha, ishlanmalar qo‘llab-quvvatlanishi, moliyalashtirilishi hamda yigit-qizlarning rag‘batlantirilishiga alohida urg‘u berildi. Axborot kommunikatsiya texnologiyalarining vaqt, mablag‘ni tejashdagi ahamiyati xususida takliflar bildirildi. Muloqot rahbar va xodimlar o‘rtasidagi hamkorlikni yanada mustahkamlash hamda jamiyatda yoshlar bilan ishlash tizimini takomillashtirishda muhim asos bo‘lib xizmat qildi.