35 YILLIK MEHNAT — YUKSAK SADOQAT NAMUNASI

Asosiy > Bizning Faxrimiz > 35 YILLIK MEHNAT — YUKSAK SADOQAT NAMUNASI

35 YILLIK MEHNAT — YUKSAK SADOQAT NAMUNASI

Zulfiya Ismailova korxonadagi faoliyatini mustaqillikning dastlabki yilida boshlagan. 1991-yilda apparatchi sifatida jamoaga qo‘shilgan soha vakili mana 35 yildirki, bir maqsad yo‘lida ishlab kelmoqda. Ayni vaqtda 33-sexda mehnat qilayotgan kasb fidoyisi laborator tahlillar uchun zarur bo‘lgan idishlarni tayyorlashda katta tajribaga ega.

Yillar davomida to‘plagan bilim va amaliy ko‘nikmalari uni jamoada hurmat qozongan, o‘z ishining haqiqiy ustasiga aylantirdi. Soha vakilining mas’uliyat, aniqlik va mehnat intizomiga sodiqligi ish samaradorligiga munosib hissa bo‘lib qo‘shilmoqda.

Zulfiya Ismailovaning mehnat faoliyati mustaqil O‘zbekistonning sanoat sohasida erishgan yutuqlari bilan hamohang kechdi. Istiqlolga tengdosh bo‘lgan bu sharafli yo‘l – yurtimiz taraqqiyoti, korxona ravnaqi va inson qadriga qaratilgan e'tiborning yorqin namunasidir.