Previous Next

Inobat Shodmonova korxonaning 129-sexida uchastka boshlig‘i. 2007-yilda tikuvchi bo‘lib ishga joylashgan soha vakili o‘tgan davrda bir qator mas’uliyatli vazifalarda fidokorona mehnat qildi. Kasb fidoyisi o‘zining mehnatsevarligi, tashabbuskorligi va sohaga bo‘lgan muhabbati bilan jamoa orasida alohida hurmat qozondi.

Faoliyati davomida ish unumdoriligi oshirish, sexda tayyorlanayotgan mahsulotlar sifatini yanada yaxshilashga munosib hissa qo‘shib kelmoqda. Bugungi kunda jamoani bir maqsad atrofida birlashtirib, yosh mutaxassislarga o‘z tajribasini o‘rgatishga intiladi.

Inobat Shodmonovaning ko‘p yillik samarali mehnati, kasbiga sadoqati va tashkilot rivojiga qo‘shayotgan hissasi rahbariyat va hamkasblari tomonidan munosib e’tirof etildi.