Previous Next

Shermurod Ashurov —korxonaning ammiakli selitra ishlab chiqarish I-II navbatida 5-toifali elektrgazpayvandlovchi.

Elektrgazpayvandlovchilik kasbining o‘ziga xos jihatlari nimada?

— Bu kasb aniqlik, sabr va yuqori mas’uliyatni talab qiladi. Har bir ishimiz uskunalarning xavfsiz va uzluksiz ishlashiga xizmat qiladi. Shuning uchun berilgan vazifani sifatli bajarishga intilaman.

Korxonadagi mehnat faoliyatingiz davomida nimalarga erishdim, deb o‘ylaysiz?

— Eng katta yutug‘im — jamoamizning ishonchiga sazovor bo‘lganim. Tajribali ustozlardan ko‘p narsani o‘rgandim, bugun esa o‘z bilim va ko‘nikmalarimni yosh hamkasblarim bilan almashishga harakat qilaman.

Mustaqillik bilan tengdosh avlod vakili sifatida bugungi imkoniyatlarni qanday baholaysiz?

— Mustaqillik bizga mehnat qilish, o‘z ustida ishlash va kasbiy jihatdan rivojlanish uchun keng imkoniyatlar yaratdi. Zamonaviy texnologiyalar bilan ishlash, malaka oshirish va munosib mehnat sharoitlari shular jumlasidandir.

Yoshlarga nimalarni tavsiya etgan bo‘lardingiz?

— Har qanday kasbning qadri uni sidqidildan bajargan inson bilan yuksaladi. Shuning uchun yoshlarga o‘z ustida tinmay ishlashni, kasbini sevishni va har bir vazifaga mas’uliyat bilan yondashishni tavsiya etaman. Shunda mehnat samarasi ham, hayotdagi yutuqlar ham namoyon bo‘ladi.