ISTIQLOL TENGDOSHI QALBIDA IFTIXOR

Asosiy > Bizning Faxrimiz > ISTIQLOL TENGDOSHI QALBIDA IFTIXOR

ISTIQLOL TENGDOSHI QALBIDA IFTIXOR

Farrux Nayimov 1991-yilning 5-iyulida Navoiy shahrida tavallud topgan. 2016-yilda Navoiy davlat konchilik institutini tamomlab, 2018-yildan e’tiboran korxonada mehnat qilib kelmoqda. Hozirda yosh mutaxassis ammiakli selitra ishlab chiqarish I-II navbatida 6-toifali apparatchi sifatida mehnat qiladi.

Soha vakili o‘z mehnat faoliyati davomida texnologik jarayonlarni belgilangan me’yorlar asosida samarali boshqarish, ishlab chiqarish uskunalarining uzluksiz va xavfsiz ishlashini ta’minlash, mahsulot sifatiga doir talablarga qat’iy rioya etishda mas’uliyati hamda kasbiy mahorati bilan ajralib turadi.

Farrux Nayimov doimiy ravishda o‘z bilim va ko‘nikmalarini oshirishga intiladigan, yangi texnologiyalarni o‘zlashtirishga qiziquvchan hamda mehnat intizomiga sodiq xodimlardan biri hisoblanadi. U jamoada hamkasblari bilan hamjihatlikda mehnat qilib, ishlab chiqarish ko‘rsatkichlarini yanada yaxshilashga munosib hissa qo‘shib kelmoqda.